1 քմ -ի արժեքը ( նեռարյալ աշխատանքների իրականացումը և ամբողջ նյութածախսը )
18.900-20.900 AMD
Միկրոցեմենտը ժամանակակից դիզայներական ինդուստրիայում նորահայտ լցանյութ է, որում միաձուլված են լոֆթը և մինիմալիզմը: Չմշակված բետոնի գունային իմիտացիա ստանալը բավականին անհատական և եզակի լուծում է գրասենյակային կամ կոմերցիոն տարածքներում կիրառելու համար։ Քանի որ պրեմիում կարգի ցեմենտային լցանյութից բացի բաղադրությունում առկա են նաև բազմատեսակ պոլիմերային հավելումներ, բարձր դիմացկունություն ու էլաստիկություն է հաղորդվում ավազահատիկների զանգվածին՝ կիրառելի դարձնելով արտադրատեսակը նաև արտաքին երեսպատման և հատակածածկեր ստանալու համար, իսկ պոլիուրեթանային խեժով պատվելու դեպքում մակերեսը ձեռք կբերի նաև ջրադիմացկունություն: Ինտերիերում միկրոցեմենտով պատհատակային միաձույլ և համահարթ ծածկեր ստանալը յուրօրինակ և բացառիկ լուծման տարբերակ է, սակայն զուգահեռ հնարավոր է երեսապատել նաև այլ ցանկացած մակերևույթ և առարկա՝ անգամ ներկառուցվող կահույքը: Չնայած նրան, որ միկրոցեմենտային ծածկերը բավականին կարծր են ու դիմացկուն նաև ուլտրամանուշակագույն ճառագայթներին, միևնույն ժամանակ ճկուն են, շնչող և ունեն հզոր կպչողականություն: Ժամանակակից ինդուստրիալ ոճով տարածքներ ստանալու համար գերակշռող են համարվում ֆակտուրային և կոշտ մակերևույթները, որոնց վառ օրինակն է վերոհիշյալ միկրոցեմենտը և բետոնատիպ արտապատկերման շնորհիվ հեշտությամբ հնարավոր է նաև գործարանային շնչով տարածքներ ստանալ:
