INTEXT Group-ի հետ ցանկացած դիզայներական հատակածածկի ստացում արդիական և իրատեսական է։ Մարգարտյա ցոլքով մետաղական վրձնահարվածների պատկերումը ներքին դեկորատիվ հարդարման աշխատանքներում ոչ միայն որպես հատակային ծածկ է հանդես գալիս, այլև ակրիլի հիմքով ներկանյութային համաձուլվածք ունենալու շնորհիվ որպես պատերի, առաստաղների, սյուների կամ ցանկացած այլ ճարտարապետական օբյեկտի մակերեսային երեսպատում կարող է ծառայել։ Նման մակերևույթներ հնարավոր է ստանալ միատարր, համահարթ, առանց ծակոտիների և թեքվածքների հիմքի վրա, որը ապահովվում է նաև նախախեժային ներկի շնորհիվ։ Ջրադիսպերսիոն ներկանյութը ունի գերազանց կպչողականություն և միաժամանակ ռելիեֆային մակերես է ստեղծում՝ կիրառություն ապահովելով բնակելի, գրասենյակային և հասարակական շահագործման, ինչպես նաև խոնավություն ունեցող տարածքներում, իսկ ամրություն և ջրակայունություն հաղորդում է երկբաղադրիչ պաշտպանիչը՝  պոլիուրեթանային շերտը։ Հատակածածկի հիմքային մակերեսը ստացվում է առանց փայլի, սակայն միաժամանակ մետաղական փայլահատիկների արտացոլանքով, նման կոնտրաստային զուգահեռությունը միայն իդիվիդուալություն է հաղորդում և դեկորատիվ հարդարման մեջ ստացվում են բացառիկ աշխատանքներ, քանի որ և՛ արտադրատեսակը շուկայում չունի իր ալտերնատիվը, և՛ աշխատելաոճն ու կիրառության ընթացակարգերն են առանձնահատուկ։ Հատակածածկերը ստացվում են միակտոր, կարծր և հարվածակայուն մակերեսով։